爺爺

琴晚係中國既一個重要時刻,表代著奧運既空前成功。晚上一個人係屋企睇奧運閉幕,感覺比起開幕差好遠,閉幕熱鬧,開幕莊嚴。但係睇到一半,收到一個長途電話 原來係爺爺生日,爺爺係電話入面好興奮,爺爺係一個超級愛國既人,身為一個愛國既人 自己祖國既大日子同時亦都係自己既大日子心情一定好開心。爺爺用地道既普通話同我講野,我就用我既廣式普通通回話,好耐冇見過爺爺啦,差不多快有一年,但係一年前果次見面,既之前我起馬有4-5年冇見過爺爺,爺爺對住我就好錫我啦,佢好有錢 但係對自己就好(古寒),但我之前去重興既時候佢就不停買野比我.行兩步路就到既地方 佢就要我坐的士,但係我阿爸話佢咁大個仔都未係爺爺手上得到過d咩禮物,如果我阿爸去一d近既地方要坐的士必定比爺爺鬧死。爺爺年紀都唔細70幾(..確實係幾歲我都唔知~_~"),奶奶係我細個既時候過左生,爺爺又要人照顧識左第二個婆婆,但係阿爸又驚我唔懂性之類,冇同我講,唉阿爸呀 阿媽好早講左我聽啦成日係到懶醒~_~"。爺爺係超級既有識之士讀書人,曾經係大學做校長,阿爸都係大學畢業,唯獨我d成績咁,好想大學畢業呀。奶奶係一個基督徒,但爺爺係無神論者,前兩年阿爸將奶奶既骨灰放左係一間教會到,但係爺爺就好小去睇,因為係教會既關係吧。爺爺衰然唔係基督徒但我都希望佢早日信主,願主祝福爺爺身體健康,阿門!