江西

江西之旅同我預期中有小小出入，原本以為可以聽miss李講故仔啦，點知原來全部都係聽導遊講野!第一日 就坐左9個鍾車先去到，咁大個仔都未試過坐咁耐車，唔係訓就同細兜打機，第一日無去過睇野，坐完車就去酒店訓教。第二日 行程終於開始啦 去左飛龍景區(無記錯個名係咁)果到好靚 有瀑布睇，好開心有得影相，原本同miss lam 仲有子雋跟蹤細兜同張敏瑜(A_A)點知關住影 就唔見左佢地兩個。返到酒店原本個個話睇波架，我都想睇所以8點幾食完飯就訓左等睇波，佢地點係咁玩玩玩 緊係冇精神睇波啦，最後得返呀龔係我間房到睇 仲要睇到半場就訓著左，唉後生仔~.~'。第三日晨早去到當地既一間學校見到D學生第一時間諗佢地幾歲呀?睇見佢地個個咁細粒好似得11 12歲咁點知原來同我地一樣大，之後跟左周瑜同學返屋企(唔知係係咪呢個周同呢個瑜)，佢屋企好大加埋5-6個我屋企左右啦!但係冇冷氣冇風扇，係得個電視比教現代化小小!我同江龍兄一等人行左一個幾鍾先去到，去到11點左右周瑜兄話佢媽咪煮緊飯!咁我同江龍兄就係房到做陣自閉仔先啦...點知訓著左........起返身兩點..煮左幾個鍾 同我呀哥有得輝，果到真係好熱好熱..不過D飯就好好食，食完呀龔佢地黎左 就係到玩啤派，玩完再訓過訓左晚飯5點幾就食晚飯=.='，周瑜兄咁岩果日生日，佢地屋企好多人黎左搞到我同江龍兄好唔好意思，佢有個表妹定唔知咩，好細過6-7歲左右 但係好得意，食完飯江龍兄急屎但又無廁紙笑死我，夜晚就係睇電視同玩啤派 同周瑜兄仲有佢呀哥玩，10點話訓熱到12點江龍兄先訓著，我仲衰2點幾先訓著，實在熱到訓唔到。第四日 衰然同周瑜兄玩得一日唔係話太熟洛但係都係一個好好既體驗，MISS LAM佢地果個同學喊哂口 唔捨得MISSLAM 走，唔通MISS食左佢地細路妹?之後就去左一d關於紅軍既地方參觀。第五日時間過得真係快又要再坐車返去又坐左6個鍾左右返到香港，坐香港巴士既時候覺得好唔現實呀，一個鍾前仲係旅遊巴上面玩啤派點解咁快就要分開返屋企既!希望有多d機會去旅行啦，好過係屋企打機啦!