黃子峰

黃子峰,你去左廣州咁多年都係新年同暑假返黎一,兩個禮拜就走,小學3年級就識你,我仲記得你成日搶我部GAME BOY黎玩,成日放左補習同我去偷打機,,之後你次次返到屋企都比你呀爸打到豬頭咁,醫加諗返都真係幾好笑。記唔記得鄭梓望呀佢大我地3年,佢成日同我講佢既夢想係做大佬,佢成日同我講學校邊個邊個係大佬問我一唔一齊跟佢搵食,我心諗你唔夠膽炸講咁耐交都未打過次,講粗口你就叻,成日講埋D客家粗口,都冇人聽得明,都唔明你講黎做咩,成日話想做大佬咪係識蝦你細佬同你細佬收保護費.除此次外你蝦過邊個姐,有既有既小六果陣你咪蝦果D 小一,二既搶佢D茶點黎食囉,之後咪又係比呀FEE罵。黃子峰我仲記得你媽咪過世既時候你返到黎補習社同我講,你第一個講比我聽,當時我就將你當係我既最好朋友,可能當時仲細啦,你唔開心左咁耐我想比D歡樂你,係分組玩遊戲果陣,你企起身我就除左你條褲,我仲記得你係著緊超人底褲,我笑左半日,但係比你打到半死。

同你一齊總係得一D開心既回憶,你次次返黎香港第一時間都係叫我同你去打機,你廣州都日日打啦返到黎香港你仲打.....,我總係唔明點解你都係唔夠我打。有次我地習補社上去天台踢波,我帶左我個300蚊既新波黎,比你同鄭子望同左唔夠一分鍾射左洛街,仲要搵唔返,真係想殺左你地,好彩算你有D良知買返另外一個比我,但係果個89蚊頌富有得賣仲要同我講買左500蚊。

每次你都叫我去你屋企食飯,一年入面你返黎果幾個禮拜去你屋企食你麻麻煮既飯,仲多過我食到我呀媽煮既飯。你成日返黎講埋D國語笑話,完全唔好笑 但係你仲要逼我扮笑,好心放過我啦下次唔好講啦。

你表哥佢還好嗎,佢吹水有時都幾唔要面架喎,佢咩GAME都話玩到好叻玩到好勁點知真係玩果陣佢就懶東懶西,不過佢份人都幾好人既一年先見到佢一次,成日講D我唔知既野黎昆我,果次你同佢黎我屋企訓,佢仲拎左我支髮泥黎整個龍朱頭,叫佢訓佢話唔訓,因為個頭太型,佢就因為咁成晚冇訓,笑死我。

次次你返黎都話請我食野,之後點知都係7-11既撈麵自己想食就想食啦。成日都係到話D女明星邊個靚話自己幾到幾多靚女,但係你班上得兩個女仔,你點識到咁多女仔呀,明明就係冇人要,你算吧。

你呀爸呢,我好耐冇去佢到剪頭髮啦自從呀哥冇係佢果到做之後,話事話呀你成日都話想叫埋你呀爸同我一齊去迪士尼,你講咁耐都未去,我等緊你架之前本身同表哥果D去架,但係醒起你話你呀爸請咁我又冇去住,快D返黎啦好耐冇見你啦,呢一年你去左邊呀?新年暑假都冇返黎,係咪考升學試所以唔返呀?打個電話會死咩,MSN又唔ON,我唔識玩你個QQ架,快D返黎啦,好掛住你。