幽默感

很喜歡范曉萱&100%樂團的《幽默感》，加上早前睇完的《數字狂小姐》，

令我明白到，生活或者是快樂都應該是每一分每一秒都可以找到，而不需要等到那些「重要的時刻」。



今天走到街上，突然被一位小姐叫停募捐，

她說是為了一個老人中心還是什麼的募捐幫助老人家，

然後我就隨手從散紙包拿出６蚊，放進那個捐款箱裡面。

當我以為任務完成之際，那位小姐又用一個愛心爆棚的眼神對著我說

可否再捐多２０蚊，因為２０蚊就可以給那些老人家買一包米，我當時心想

「我岩岩捐左６蚊，然後又再捐多２０蚊，咪即係２６蚊，有冇得找先」

但又因為那位小姐眼神裡的愛心實在多得快要滿瀉，所以我又拿出銀包打算再捐２０蚊。



但當我發現銀包只有１００蚊紙時，我以為她沒法子了吧，誰不知她又拿出她的銀包，

進行「找錢」活動，小弟活了１７年實在從沒想過「捐錢都有得找」。

在那短短的２分鍾之間我變成了有錢人，因為在捐了２６蚊之後又被她說服了捐多１０蚊。



３６蚊，那足足是我從出生那天起至１４歲之前星期三「買旗」的總和，

正當我再看一看那個捐款箱裡面發現全部都是「銀仔」之際，我心裡彈出一個念頭

「中伏」，我又不是有錢人，那些捐錢的人，一定有不少人比我有錢，為什麼我要捐最多

不公平呀，無天理呀。



當然上面那些負能量只維持了0.02秒左右，隨後幽默感模式就會開動，

「話唔定係同一個人捐左５０個２蚊呢，嘩咁咪成１００蚊，佢都好大方喎」

「其他搵咁多錢既人都係捐得果幾蚊，我無乜錢都捐成３６蚊，咁我咪捐左好多愛心囉，

呢獲無死啦，我實做硬甘地啦」

「其實捐錢係睇樣既，捐２蚊就唔多靚仔，捐１０蚊就小小靚仔，我捐３６蚊既原因無他，

因為我太靚仔」



當我這樣子想一想，真的有種衝動想去再捐多１０蚊。



其實無非想快樂，身為都市人，急促的生活節奏真的會令人喘不過氣，

但如果可以在小事情上加點幽默感，將那些「低Ｂ野」加入生活中說不定會輕鬆很多，

不是只有什麼大事大非才能悟出大道理，小事情才是生活。